Знакомство с нами

Buxoro universiteti (BuxDU) – Oʻzbekistonning Buxoro viloyati, Buxoro shahrida joylashgan oliy taʼlim dargohi. Universitet dastlab 1930-yilda Buxoro Oliy pedagogika instituti sifatida tashkil qilingan. 1992-yil 15-martda Oʻzbekiston Respublikasi prezidenti farmoniga asosan Buxoro pedagogika institutiga universitet maqomi berilgan. Oliygoh oʻz ichiga 8 ta fakultetni qamrab oladi. Bular: Fizika-matematika va axborot texnologiyalar, Iqtisodiyot va turizm, Tarix va yuridik, Filologiya, Xorijiy tillar, Tabiiy fanlar va agrobiotexnologiya, Sanʼatshunoslik va pedagogika, Jismoniy tarbiya va sport fakultetlaridir. Universitetga kirish uchun qabul jarayonlari Bilim va malakalarni baholash agentligi tomonidan tasdiqlangan kvotalar asosida tashkil etiladi. Buxoro davlat universitetida bir ijtimoiy oʻquv markazi, 50 ta ixtisoslashtirilgan kafedra, mintaqaviy til markazi, ixtisoslashtirilgan akademik litsey, gimnaziya, tayyorlov kurslari, kutubxona (nodir qoʻlyozmalar va toshbosma asarlar boʻlimi bilan), botanika bogʻi, planetariy, hisoblash markazi, test markazi, universitet tarixi, oʻlka zoologiyasi, arxeologiya muzeylari, oʻquv-sport, sport harbiy tayyorlov, sport sogʻlomlashtirish majmualari, maʼrifiy-madaniy ishlar klubi mavjud.

Фотогалерея